Að gera árás á "hernaðarleg skotmörk"

Já, það er ljóst sem reyndar var lengi vitað (af biturri reynslu) að árásarliðið teygir og togar ályktanir Sameinuðu þjóðanna að vild.

Nú horfum við upp á það sama sem gerðist í Belgrad og Bagdad, árásir á opinberar byggingar og jafnvel reynt að drepa leiðtoga landanna í loftárásum - og fullyrða eftir á sér til afsökunar að verið sé að gera árásir á hernaðarleg skotmörk - og að þetta sé liður í að vernda almenna borgara.

Og áróðurinn í vestrænum fjölmiðlum er slíkur að almenningur á Vesturlöndum styður þetta hernaðarbrölt.
Þó er það ekki svo með allan heiminn. Helmingur hans mótmælir harðlega þó það heyrist ekki hingað vestur.

Við eigum eftir að heyra þenna söng í vestrænum fjölmiðlum næstu daganna og vikurnar. Allt er réttlætt með því að draga upp grýlumyndir, höfða til þess hversu vondur og geðveikur Gaddafi er - áróður sem hefur verið stundaður frá örófi alda og mun verða lengi eftir þetta.

En á meðan líður almenningur í landinu, friðurinn er úti og fjandinn laus.
Og fávís lýðurinn á Vesturlöndum fagnar eins og venjulega - og trúir lyginni eins og nýju neti - þótt eldgömul sé.

Stýriflaugaárás á Líbíu