Ósamstíga árásarlið

Það er alls ekki vitað hver sé stefna árásarliðsins í stríðinu gegn Líbýu. Sumir tala um að vernda óbreytta borgara, aðrir um að koma Gaddafi frá og svo allt þar á milli.

Leiðtogi bandaríska herliðsins segir t.d. það ekki vera verkefni síns liðs að styðja uppreisnarmenn, heldur einungis að koma í veg fyrir að flugvélar Líbýustjórnar geti gert loftárásir á uppreisnarmenn.

Annað segja Bretar og Frakkar enda eru það þeir sem hafa verið duglegastir við að gera árásir á skotmörk alveg ótengd loftvörnum landsins.

Orð bandaríska hershöfðingjans um Gaddafi eru þó athyglisverð. Hann segist ekki hafa fengið neinar "beinar" fyrirskipanir um að ráðast gegn Libýuforseta (kannski bara "óbeinar"?) - enda viti hann ekki hvar Gaddafi sé niður kominn!

Af þessu má ráða að meira að segja Kaninn er ekki með það á hreinu hvert sé markmiðið með árásunum, eða láti amk eins og hann viti það ekki.

Taka ekki þátt fyrr en skipulagið er ljóst