Steingrímur á móti árásum á óbreytta borgara

Þó svo að Bandaríkjamenn - og meira segja sum hjálparsamtök - neiti því kategorískt að óbreyttir borgarara hafi fallið í loftárásum "hinna viljugu þjóða" á Libýu, þá er ljóst af atbuðum síðustu daga, ekki síst í nótt, að gerðar hafa verið loftárásir á borgir í landinu. Þá sér hver heilvita maður að erfitt sé að komast hjá því að drepa íbúana.

Steingrímur J.Sigfússon fjármálaráðherra hefur loks tjáð sig um loftárásirnar, sem Össur Skarphéðinsson utanríkisráðherra styður gagnrýnislaust.
Steingrímur leggur þvert á móti áherslu á að "ríkisstjórnin, og enn síður Vinstri græn, styðji [ekki]loftárásir sem kosti óbreytta borgara lífið."

Hann viðurkennir ennfremur að margt bendi til þess að "einstök ríki séu þegar komin út fyrir það sem eðlilegt geti talist í aðgerðum sínum til að framfylgja flugbanni."
Að lokum gagnrýnir hann og segir "óverjandi að gerðar séu loftárásir á byggingar inn í borgum", slíkt kosti "óbreytta og saklausa borgara lífið og aðgerðirnar séu þar með farnar að valda því sem þær áttu að afstýra."

Það er gott að heyra gagnrýnisraddir á hernaðinn í Libýu, ekki síst frá manni í ríkisstjórn meðlimslands NATO, en þar eru miklar deilur um hvort það eigi að taka að sér stjórn árásanna. Við skulum vona að Ísland greiði atkvæði gegn slíku.
Einnig hafa heyrst efasemdaraddir í Noregi, auðvitað ekki frá hauknum og undirlægjunni Stoltenberg, heldur frá landvarnaráðherranum sem gagnrýnir loftárásirnar á borgir í Libýu og segir að norski flugherinn muni ekki taka þátt í þeim.

Hernaður í Líbíu heldur áfram