Bandalagið klofið

Það er auðvitað deginum ljósara að farið er langt út fyrir ályktun öryggisráðs Sameinuðu þjóðanna um verndun lofthelgi Libýu og almennra borgara.
Árásarnir á hersveitir stjórnarinnar, meira að segja á flótta þeirra, er klár þátttaka í uppreisninnni gegn Gaddafi og stjórn hans - og þannig bein afskipti af borgarastyrjöldinni og innanríkismálum Libýu.

Nú síðast í dag voru að koma skilaboð frá sendiherra Bandaríkjanna hjá SÞ um að USA ætli að vopna uppreisningarmenn.
Þetta þótti ekki góð skilaboð inn á fundinn í kvöld þar sem 35 lönd koma saman um að ræða framhald aðgerðanna í Libýu.

NATO ríkin hafa t.d. lýst því ákveðið yfir að með yfirtöku þeirra á hernaðarþættinum sé ætlun að vernda borgarana, ekki vopna þá.
Vegna þess - og eflaust fleiri þátta - eru Nató-ríkin farið að draga yfirtöku sína á aðgerðinum á langinn. Hún átti að eiga sér stað annað kvöld en frestast amk fram á fimmtudagskvöldið.

Það væri fróðlegt fyrir okkur hér uppi á skerinu að fá að fylgjast með því hvað Össur Skarphéðinsson utanríkisráðherra muni leggja til á fundinum, en manni skilst að hann verði þar (án þess þó að nokkur yfirlýsingu um slíkt hafi komið frá utanríkisráðuneytinu!).

Hann mun auðvitað halda slíku fyrir sig einan, eins og allri annarri aðkomu Íslands að þessu nýjasta hernaðarbrölti Vesturveldanna, eða hvað?

Tvær grundvallarreglur friðarsinna