Já, eins og í tölvuleik!

Það hlýtur að hafa verið gaman fyrir forráðamenn voldugasta ríki heims að horfa á morð í beinni útsendingu - og getað fagnað svona innilega á eftir.

Einhvers staðar las ég það núna nýlega að lygin kemur fyrst í fjölmiðlaheiminum en sannleikurinn er seinni á sér.
Hann er hins vegar að koma í ljós hægt og hægt og gagnrýnisraddir farnar að heyrast.
Sænskir sérfræðingar í alþjóðarétti spyrja sig hvort Bandaríkjamenn hafi haft rétt til að drepa Bin Laden (ef við gefum okkur að það sé hann sem þeir drápu). Vísa þeir þá m.a. til þess að drápin hafi átt sér stað í landi sem Bandaríkjamenn hafa engan rétt til að ráðast á ("främmande mark" kalla Svíarnir þetta). Þetta setur einnig spurningarmerki við "baráttuna" gegn hryðjuverkum sem slíkum en USA hefur alla tíð frá 11. september (og jafnvel fyrr) tekið sér það bessaleyfi að ráðast á "hernaðarleg skotmörk", eins og þeir kalla það, í öðrum löndum. Það er auðvitað augljóst brot á þjóðarétti en hingað til hafa Bandaríkjamenn komist upp með þetta.

Umræðan um þetta brot á þjóðarétti snýst núna um það, hvort hægt sé að sanna að USA hafi lagt af stað með þessa aðgerð til þess eins að drepa fólkið í húsinu í Pakistan. Þó svo að allt bendi til þess þá segja menn að það verði erfitt að sanna það. Bandaríkjamenn eru ekki fæddir í gær. Þeir hafa gert þetta áður og kunna að fela þau sönnunargögn sem kæmu upp um þá.

Þetta er auðvitað klárlega bannað samkvæmt þjóðarétti en það verður samt að sanna að svo hafi verið. Ef það finnast skipanir frá forsetanum um "license to kill" þá er málið einfalt en harla ólíklegt er að slíkt finnist.

Þá viðurkenna hlutlausir fræðimenn einnig að dómstólaleiðin hafi verið vandmeðfarin fyrir mann eins og Bin Laden. Stríðsréttarhöld og stríðsdómstólar undanfarið hafa verið hreinn skrípaleikur - einungis verið dæmi um réttarfar sigurvegarans, þ.e. hlutdrægir með afbrigðum. Því hafi "hryðjuverkamenn" eins og Osama aldrei átt neinn séns.
Einnig er spurt hvert hefði átt að fara með hann. Til Guantanomo og láta hann hýrast þar árum saman, hlekkjaðan á bak og fyrir, án réttarhalda?

Hins vegar er ljóst að stemmningin í Bandaríkjunum er að breytast og það til hins verra hvað mannréttindi varðar.
Áður urðu forsetar USA að að skrifa undir yfirlýsingu um að þeim leyfðu ekki dráp á "pólitískum" andstæðingum. Ford, Carter og meira að segja Reagen skrifaðu undir þetta. Og Bush eldri hafnaði því eftir árásina á Tvíburaturnina að leitað skyldi eftir því að drepa Bin Laden.

Það var fyrst á þessu ári sem bandarísk stjórnvöld vörðu þá ákvörðun að drepa mætti "óvinin" með öllum tiltækum ráðum, þó svo að fjölskyldumeðlimir yrðu drepnir um leið.
Þetta hafa þeir auðvitað framkvæmt nú í mörg ár með drónerflugvélaárásunum við landamæin milli Pakistan og Afganistan þar sem einn "stríðsmaður" er drepinn á meðan 50 fjölskyldumeðlimir (konur, börn og gamalmenni) láta lífið.

Sérfræðingarnir eru að vonast til þess að þessum drápum fari nú að linna. Að Bandaríkjamenn fari nú að hugsa aðeins skynsamlegar um "öryggismál".

Svo segja Svíarnir en ég leyfi mér að efast. Geðveikin og földamorðin eru rétt að byrja.
Sjá http://www.dn.se/nyheter/varlden/hade-usa-ratt-att-doda-bin-ladin

„Við náðum honum“

Athugasemdir

[Garðar Valur Hallfreðsson, 3.5.2011 kl. 19:40]

Ég vill byrja á að segja að ég er ALLS ekki að taka upp hanskann fyrir BNA menn né verja þeirra aðgerðir því í raun er ég mjög sammála þér.  Þó vill ég segja eitt, ef BNA menn hefðu bent Pakistönum á verustað Bin Ladens, og nota bene þá var Bin Laden líka "glæpamaður" í Pakistan, er spurning hvort Pakistanar hefðu gert eitthvað í því?

En þegar öllu er á botninn hvolft þá eru öll dráp/stríð viðbjóður og ég styð slíkt ALDREI 

[Bjarne Örn Hansen (IP-tala skráð) 3.5.2011 kl. 21:20]

Það að bandaríkjamenn skuli vera með Guantanamo, og ekkert gert í því ... er hryllilegt. Og það að fólk, eins og á Íslandi, skuli hatast út í einvhern Bin Laden, bara af því að Kaninn segir þeim að gera það er með einsdæmum hryllilegt.

Kominn tími til, að undirbúa stríð ...

[Anna Sigríður Guðmundsdóttir, 3.5.2011 kl. 22:37]

Þetta er hörmungar-leikrit valdasjúku heims-lyfja-mafíunnar!

 Svona vinna þeir!

 Taka sjúkan mann og beita honum fyrir sig í áratug!

 Og verst af öllu er að fólk trúir mafíu-leikritinu frá heims-lyfja-mafíunni!

 Engum getur dulist hvílík sorg sést svo greinilega í augum Obama á frétta-myndinni!!!

 M.b.kv.