Leið til að niðurlægja hann

Ég tel þessa meðferð á Strauss-Kahn greinilega aðferð til að niðurlægja hann sem mest. Hann er jú Frakki og það mjög áhrifamikill - og Kaninn hefur ekki sett sig úr lagi við að niðurlægja Frakka ef það gefst kostur.

Það er ekki aðeins stærð klefans og búnaður fangans sem bendir í þá átt, heldur líka þessi fullyrðing um að hans sé sérstaklega gætt sem fanga í sjálfsvígshættu.

Ég man ekki eftir því að þannig sé komið fram við fanga nema einn einasta, þ.e. Brad Manning, fangann sem kom upp um stríðsglæpi ameríkananna í Írak.
Sú meðferð er greinilegt mannréttindabrot þó svo að vestræn mannréttindasamtök eins og Amnesty International þegja þunnu hljóði - og ég fæ ekki betur séð en að meðferðin á Strauss-Kahn sé það einnig.

En kannski eru mannréttindi einskis virði í þessu fyrirmyndarlandi sem við eigum öll að líta upp til og dást að - og þá allra síst mannréttindi fanga, hvort sem þeir eru grunaðir um afbrot eða sitja inni vegna dóms.

Strauss-Kahn í 13 fermetra klefa

Athugasemdir

[H.T. Bjarnason (IP-tala skráð) 18.5.2011 kl. 22:51]

Mér finnst þessi orðræða í kringum Strauss-Kahn með ólíkindum.  Þó svo að hann sé "mikilvæg persóna" þýðir það að hann eigi að fá einhverja sérmeðhöndlun?  Hann er í nákvæmlega sömu stöðu og þúsundir aðrir sem hafa þurft að dvelja á Rikerseyju.

[Viggó Jörgensson, 19.5.2011 kl. 02:07]

DSK niðurlægði sig sjálfur og hefur gert það alla tíð.

Reyndar fær hann sérmeðferð. 

Venjulegur hvítflippi er settur meðal annarra fanga og getur átt von á nauðgun í næstu sturtuferð og inni í klefa sínum. 

Og barsmíðum og hvers konar viðbjóð öðrum.