Þjóðkirkjan og Fréttablaðið

Í þessari frétt heldur Svavar Alfreð Jónsson, sóknarprestur við Akureyrarkirkju, því fram að biskupsstofa hafi þegið boð um að auglýsa í sérstöku kirkjublaði sem fyrirhugað væri að fylgdi Fréttablaðinu um síðustu páska. Þetta hafi verið tilboð um auglýsingu sem sett yrði fram sem viðtal og fyrir það greitt.

Það væri gaman að heyra frá Biskupsstofu hvort hún hafi gert það - og ef svo er hvað hún hafi greitt fyrir viðtalið.

Einnig væri fróðlegt að heyra frá henni hvað henni þætti um siðferðilega þáttinn í þessu máli.
Svavari Alfreð þótti ekki forsvaranlegt út frá siðferðilegu sjónarmiði að borga fyrir slíkt viðtal. Er biskupsstofa annarrar skoðunar - og þá hvers vegna?

Rétt er að banda á að ritstjóri Fréttablaðsins, Ólafur Þ. Stephensen, hefur áður neitað þessum fullyrðingum en nú virðist augljóst að hann hafi logið því.

Ólafur þessi hefur skrifað marga leiðara í Fréttablaðið um nauðsyn þess að þjóðkirkjan héldi áfram styrkri stöðu í samfélaginu, stutt það að 62. grein stjórnarskrárinnar héldist - og verið fundarstjóri og frummælandi á fundum sem haldnir hafa verið á vegum þjóðkirkjunnar eða einstakra safnaða hennar.

Það er kannski verið að launa honum það með þessum hætti?

Boðið „að auglýsa á óhefðbundinn hátt“ í Fréttablaðinu

Athugasemdir

[Andri (IP-tala skráð) 19.5.2011 kl. 19:59]

Ég man nú ekki eftir að hafa lesið þetta kirkjublað, en ég sá farsímablaðið.  Mér finnst nú verið að gera mikið úr litlu.  Ég man nefnilega eftir þessu af því ég velti þessu fyrir mér.  Þetta var þannig að á hverri síðu fóru saman auglýsingar frá hverju fyrirtæki og viðtöl við fólk úr því fyrirtæki.  Ég áttaði mig strax á því að um auglýsingu væri að ræða.  Fannst þetta reyndar athyglisvert og bjóst eiginlega við því að þarna væri verið að borga fyrir auglýsingu og viðtalið fylgdi með í kaupbæti.  Þetta var aðallega greinilegt fyrir þeirra hluta sakir að heil síða var tileinkuð hverju fyrirtæki, með auglýsingum og viðtölum. 

 Ef það hefði verið um það að ræða að aðeins eitt fyrirtæki væri þarna þá hefði þetta verið svolítið skrýtið en þarna voru mörg svipuð fyrirtæki að fjalla um svipaða hluti og segja frá sinni þjónustu.

Eitthvað finnst mér þessi umfjöllun um kirkjublaðið væri óvægin því það segir sig sjálft að það er rætt um þjóðkirkjuna í kirkjublaði, kannski bara óréttlátt að rukka fyrir það.

Fréttablaðið er þó ekki eini staðurinn sem þetta viðgengst.  Mér var boðin auglýsing í Dagskránni fyrir einhverju síðan og var þá sagt að með auglýsingunni fengi ég einhverja svona grein um vöruna.  Ég hafði þá aldrei áður áttað mig á því að það sem er fjallað um í Dagskránni eru mikið til vörur sem eru auglýstar í blaðinu.