Landsliðsmaður?

Onei, ekki hjá Óla Jó!

Þeir eru nokkrir íslensku atvinnumennirnir í fótbolta sem hljóta ekki náð fyrir augum landsliðsþjálfarans.

Einn þeirra er umræddur Eyjólfur Héðinsson sem virðist hafa verið að tryggja Sönderjyske áframhaldandi sæti í úrvalsdeildinni dönsku (og hefur verið fastamaður í liðinu síðan hann kom til þess). Á meðan fær varamaður í fallliði Esbjerg, Arnór Smárason, að spreyta sig með íslenska landsliðinu.

Það eru mörg dæmi um menn sem hafa verið að standa sig mjög vel með félagsliðum ytra en þá ekki tækifæri með íslenska landsliðinu.
Má þar frægastan nefna Eið Smára sem hefur verið að leika mjög vel með Fulham undanfarið, Veigar Pál Gunnarsson, sem er besti maðurinn í liði Stabæk sem er á mjög góðu róli í norsku úrvalsdeildinni (Veigar skoraði enn eitt markið í síðasta leik (sitt 100. með liðinu) og var valinn maður leiksins) og Theodór Elmar Bjarnason sem hefur verið með bestu mönnum í liði Gautaborgar í sænsku úrvalsdeildinni.

Já, vandamál íslenska landsliðsins í fótbolta er ekki það að við eigum ekki nógu marga frambærilega leikmenn. Vandamálið er val liðsins - og þar með þjálfarinn.

Eyjólfur tryggði SönderjyskE sigur