Gosið búið?

Þetta er allmerkileg hegðun hjá eldstöðinni - og eflaust einsdæmi amk hvað Grímsvötn varðar.
Fyrst mjög öflugt gos samfellt frá laugardegi og fram á miðjan dag í gær - og dettur svo niður í sama sem ekkert í nótt.

Þetta er þá aðeins rúmlega þriggja daga mjög öflugt gos. Geri aðrar gosstöðvar betur.

Reyndar gaus Askja aðeins ösku í nokkra klukkutíma árið 1875, í einhverju mestu öskugosi sem sögur fara af, en hún hélt þó áfram að gjósa lengi eftir það - og áður einnig.

Ekki er þó víst að gosinu sé lokið með þessu enda brenndu vísindamenirnir sig á því að segja gosið í fyrra í Eyjafjallajökli lokið, en það tók sig upp og gaus samfellt í meira en hálfan mánuð eftir!

En gott er að þetta er afstaðið - í bili amk.

Lítil virkni í Grímsvötnum