Spennandi botnbarátta!

Lið Arnórs Smárasonar, Esbjerg, á enn möguleika á að bjarga sér frá falli í dönsku úrvalsdeildinni.
Arnór spilaði nær allan leikinn en var tekinn út af þegar liðið var komið yfir (2-1). Hann virðist hafa átt góðan leik og átti nokkur færi sem hann nýtti ekki.

Lokaumferðin verður mjög spennandi. Esbjerg verður að vinna næstneðsta liðið Randers úti til að eiga möguleika á að halda sæti sínu í deildinni, samtímis sem Lyngby og/eða Aab verða að tapa sínum leikjum.
Ef Lyngby tapar heima gegn OB (og Esbjerg vinnur) þá er Esbjerg áfram.
Ef Lyngby fær stig þá verður Aab að tapa stórt úti gegn meisturum FCK til að Esbjerg eigi möguleika (helst með 4 mörkum).

Möguleikarnir eru þannig litlir en fyrir þessa umferð töldu menn að þeir væru 3 á móti 97. Líkurnar hafa eitthvað batnað en þó ekki mikið.

Eyjólfur Héðins skoraði enn einu sinni fyrir SönderjyskE og lék allan leikinn.
Hann hlaut ekki náð fyrir augu landsliðsþjálfarans í landsleikinn gegn Dönum eins og kunnugt er!

Eyjólfur skoraði og Ólafur rekinn útaf