Auka skal flokksagann!

Fréttin á visir.is um sama mál er nú mun betur unnin en þessi frétt hér.

Þar segir m.a. að tillögurnar gangi m.a. út á "að sett verði á laggirnar svokölluð siða- og sáttanefnd innan flokksins, sem eigi að hafa það hlutverk að fylgjast með því hvort flokksmenn, kjörnir fulltrúar og forystumenn víki frá stefnu flokksins með gjörðum sínum".
Sjá http://visir.is/samfylkingin-sidar-fulltrua-sina/article/2011705289897

Vegna frétta af andstöðu tveggja Samfylkingarþingmanna, Kristjáns Möllers og Sigmundar Ernis, við kvótafrumvarp ríkisstjórnarinnar verður fróðlegt að sjá hvort tillögur um slíka siðanefnd verði samþykktar, en lagt er til að hún smíði siðareglur fyrir kjörna fulltrúa flokksins, þar sem m.a. verði kveðið "á um skuldbindingu við grunngildi og samþykkta stefnu flokksins."

Ljóst þykir að yfirlýsingar þingmannanna ganga þvert á yfirlýsta stefnu Samfylkingarinnar í kvótamálum sjávarútvegsins, svo þeir mega eiga von á að fá á baukinn.

Flokkstjórnarfundur í Garðabæ