Valið á landsliðinu

Eins og kunnugt er var Arnór Smárason valinn í landslið Íslands sem keppir við Dani hér heima núna 4. júní.

Hann nýtur þannig meiri náðar hjá íslenska landsliðsþjálfaranum en hjá þjálfara danska fallsliðsins Esbjerg, en framherjinn Arnór var tekinn útaf þegar staðan var orðin 2-1 fyrir Randers, en Esbjerg varð að vinna leikinn til að forða sér frá falli.

Svona til gamans má geta þess að Íslendingaliðið Stabæk er eins og er í þriðja sæti norsku úrvalsdeildarinnar  - og eru nú yfir 4-2 (og nær líklega öðru sætinu). Íslendingarnir Pálmi Rafn Pálmason (2) og Veigar Páll Gunnarsson hafa skorað 3 af 4 mörkunum - og Veigar Páll í nær hverjum leik.

En þessir eru sko ekki valdir í landsliðið .... 

Þá vekur auðvitað athygli að fyrirliði landsliðsins til skamms tíma, Sölvi Geir Ottesen, er byrjaður að leika aftur með danska meistaraliðinu FCK eftir langvarandi meiðsli - en er ekki valinn í landsliðið.

Í staðinn er miðvörður neðsta liðsins í íslensku úrvalsdeildinni, Fram, valinn í liðið, Jón Guðni Fjóluson, þrátt fyrir að hafa átt dapra leiki með liði sínu fram að þessu - eins og reyndar liðið allt..

Esbjerg féll en AaB slapp fyrir horn

Athugasemdir

[torfi stefánsson (IP-tala skráð) 30.5.2011 kl. 07:08]

Sænskir og danskir fjölmiðlar segja frá því að FC Kaupmannahöfn sé búið að kaupa íslenska landsliðsmiðvörðinn Ragnar Sigurðsson frá Gautaborg á 6 milljónir króna danskar (7 millur sænskar). Þetta er eitthvað yfir 120 milljónir íslenksra króna.

Tilkynna eigi um kaupin á blaðamannafundi í dag sem félagið heldur til að kynna nýja þjálfarann, Svíann Roland Nilsson.

Ragnar kemur af fjöllum þegar hann er spurður um kaupin en sagan segir að hann hafi hafnað Club Brugge og valið FCK í staðinn.

Ragnar mun þá leika við hlið Sölva Geirs í miðverðinum, sem ætti að koma sér vel fyrir íslenska landsliðið í framtíðinni, en sænski miðvörðurinn Mikael Antonsson er að fara frá félaginu.

Sjá http://www.aftonbladet.se/sportbladet/fotboll/sverige/allsvenskan/ifkgoteborg/article13100993.ab

http://tipsbladet.dk/nyhed/superliga/svensk-avis-fck-koeber-islaending