Veigar með sjö mörk það sem af er móti

Veigar Páll er kominn með sjö mörk, þar af sex á útivelli, í þeim 9 leikjum sem lokið er.

Stabæk er í 2. sæti deildarinnar eins og er en verður líklega í 3. sæti eftir umferðina þar sem Tromsö er að vinna Brann fyrir norðan.

Bjarni Eiríks átti sendinguna á Veigar Páll sem leiddi til marks.
Samvinna þeirra hefur verið fín það sem af er móti en ekki hægt að notast við hana í íslenska landsliðinu.

Auk þess má benda á sá sem heldur Bjarna Ólaf fyrir utan 11 manna hópinn, í vinstri bakvarðarstöðunni, Indriði Sigurðsson, er að sama skapi að standa sig illa með liði sínu Viking og átti arfaslakan leik í dag þegar lið hans tapaði enn einu sinni. Liðð er neðst í norsku úrvalsdeildinni með 6 stig eftir 9 leiki og með 15 mörk á sig (skorað 5).

Annar varnarmaður í íslenska landsliðinu, Kristján Örn Sigurðsson, leikur í næstu efstu deildinni í Noregi. Lið hans, Hönefoss sem féll niður í fyrra, er í 12. sæti af 16 með 9 stig eftir 8 leiki.
Þetta er vörnin sem landsliðsþjálfarinn hefur treyst á undanfarið - og valið í leikinn gegn Dönum!

Svo er það sóknin með Arnór Smárason í liðinu - og Rúrik Gíslason meiddan - en lið Arnórs var að falla niður um deild í Danmörku.

Það er greinilegt að landsliðsþjálfarinn treystir helst á menn úr neðri deildunum ytra og svo menn í skúnkadeildinni hér heima.
Er ekki kominn tími til að hlífa okkur fótboltaáhugamönnum við þessum skrípaleik?

Pálmi skoraði tvö og Veigar eitt