Valið á 21 árs liðinu

Eftir að hafa horft á þáttinn Vormenn Íslands í Sjónvarpinu í kvöld þá sér maður hversu fráránlegt það er að velja ekki Guðlaug Viktor ekki í liðið.
Hann hefur verið með í öllum þáttunum, tekið sérstakt viðtal við hann úti í Edinborg og komið fram sem skemmtilegur náungi og góður félagi.

Það er mikið talað um að lítill undirbúningur sé til stefnu fyrir liðið, líklega vegna þess hversu margir úr því hafa verið valdir til keppni með fullorðinslandsliðinu (sem er auðvitað ótækt), og því mikilvægt að menn þekki vel til liðsins, "hlaupaleiða" og fleira - og hversu hinn góði mórall í liðinu sé mikilvægur.

Þá hlýtur það að orka tvímælis að breyta liðinu mikið en Guðlaugur Viktor hefur spilað með 21 árs liðinu undanfarið. Auk þess er hann í mikilli leikþjálfun, og spilar í sterkri deild, sem er meira en hægt er að segja um marga þá sem eru valdir í liðið.
Má t.d. nefna sjálfan fyrirliðann Bjarna Þór Viðarsson sem ekkert hefur fengið að spila með liði sínu í belgísku deildinni í vetur.

Þá hefur Guðlaugur Viktor verið að spila í bakverðinum og gert það ágætlega, þannig að hann getur spilað fleiri en eina stöðu í liðinu. Það getur komið sér vel ef það þarf að hrókera í vörn þess.
Annað virðist ekki skipta eins miklu máli þó svo að gaman hefði verið að sjá leikmanninn unga hjá AGF í liðinu.

Eyjólfur valdi 23 leikmenn fyrir EM