Fær þá Bjarni Eiríks loks að spreyta sig?

Bjarni Ólafur Eiríksson Valsmaður hefur lítið fengið að spreyta sig í landsliðinu síðan hann skipti frá hinu firnasterka íslenska liði, Val, og yfir í arfaslakt lið Stabæk í enn slappari norskri deild.

Það er þó sennilega komið að honum núna, því Hjörtur Logi Valgarðsson, fastur leikmaður með hinu slaka Gautaborgarliði í enn slakari sænskri deild, var jú ekki valinn í íslenska landsliðið.

Auðvitað kemur til greina að finna einhvern annan í vinstri bakvarðarstöðuna.
Má nefna sem dæmi að Hermann Hreiðarson hefur löngum spilað þar með heimsfrægum árangri, en hann var kominn á fleygiferð með hinum firnasterku liði Portsmouth í enn sterkari fyrstu deild enska boltans áður en keppni þar lauk fyrir skömmu.
Þá ætti að vera pláss fyrir hinn unga leikmann Fram, Jón Guðna Fjóluson, sem hefur hefur staðið sig afar vel í upphafi Íslandsmótsins, rétt eins og lið hans (þó svo að stigataflan gefi ekki rétta mynd af frammistöðunni).

Við skulum svo vona að það snjói ekki á leikmennina í sumarblíðunni annað kvöld ...

Indriði og Rúrik ekki gegn Dönum