Enn slæmar fréttir

Íslenska 21 árs liðið verður ekki í neinni samæfingu þegar úrslitakeppnin hefst á laugardaginn og hefur enn ekki náð að æfa neitt saman fyrir keppnina!!

Á meðan lið eins og Danir hafa verið að leika æfingaleiki undanfarið og æft saman reglulega, þá hefur íslenska liðið verið tætt í sundur á sama tíma.
Hluti mannskapsins æfði og lék svo með aðallandsliðinu meðan hluti liðsins var upptekinn í deildarkeppninni hér heima - og aðeins örfáir voru á æfingum hjá þjálfaranum á meðan.
Svo virðist sem liði nái í mesta lagi einni æfingu fyrir mótið.

Ef einhvern tímann er talandi um slæman undirbúning þá er það núna!
Þjálfarinn verður að taka á sig hluta af sökinni, því hann hefur verið ótrúlega linur og eftirgefanlegur við forystu KSÍ og þjálfara A-liðsins, hvað tíma með liði sínu viðvíkur.
Ég er hræddur um að það eigi eftir að koma niður á árangri liðsins í mótinu - og það strax í fyrsta leiknum nú á laugardaginn gegn slakasta liðinu.

Æfingu í Álaborg frestað vegna bleytu og veikinda