Önnur árás á óbreytta borgara á tveimur dögum!

Fyrst hélt ég að þetta væri sama fréttin og í gær, en sé nú að svo er ekki.

Nú var reynt að drepa einn af leiðtogum stjórnarinnar í Libýu - tilraun sem einnig beindist gegn fjölskyldu hans með þeim afleiðingum að tvö barnabörn hans létu lífið - auk allra hinna.

Böndin hafa borist að dönskum sprengjuflugvélum, en Danir neita því og segja að engar vélar frá þeim hafi verið í lofti þegar árásin á Triboli var gerð. Ekkert hefur þó heyrst frá þeim um þessa árás - og ekki heldur frá norskum stjórnvöldum en flugvélar frá Noregi hafa tekið virkan þátt í loftárásunum á Libýu.

Sérfræðingar segja að nú sé almenningsálitið á Vesturlöndum að snúast Gaddafi í hag og telja að þetta verði ekki í síðasta sinn sem sprengjur frá loftárásum NATÓ-ríkjanna muni drepa óbreytta borgara, sem aðgerðirnar áttu reyndar að verja.
Allavega ekki ef þær eiga að standa í rúma þrjá mánuði í viðbót hið minnsta eins og NATÓ hefur lýst yfir.

Árás NATO kostar 15 lífið