Frábært!

Þetta eru góðar fréttir. Fyrirhuguð leit að olíu á Drekasvæðinu svokallaða hefur ekki fengið neina pólitíska umræðu hér á landi, heldur virðist vera gæluverkefni utanríkisráðherra og einhverra skammsýnna loftkastalasmiða á norðvesturhorni landsins.
Ekkert hefur verið rætt um það opinberlega hvaða áhrif olíuleitin og hugsanleg vinnsla olíunnar muni hafa á umhverfisstefnu ríkisstjórnarinnar og þá skilmála sem Íslendingar hafa gengist undir hvað varðar umhverfisvernd.

Hér kemur vel á vondan því Samfylkingin hefur leikið það æ ofan í æ að tefja mál sem samstarfsflokkur hennar í ríkisstjórn hefur á sinni könnum.
Nú síðast með að standa gegn breytingum á kvótamálum sjávarútvegsins, sem hluti af Samfylkingarþingmönnum tókst að tefja þó svo að málið hafi fengið brautargengi í ríkisstjórninni.

Þessar tafir hafa einnig orðið til þess að tefja sérleyfaútboðið - og er það vel.

Útboði frestað til 2012