Aðlögunarviðræður

Þetta er all kostuleg lesning og sýnir hversu réttlát og heiðarleg gagnrýnin á framgang viðræðanna við ESB hefur verið. Má þar nefna ummæli formanns bændasamtakanna um að Ísland yrði að taka innleiða reglugerð ESB um landbúnaðarmál til þess að geta gerst aðili að Evrópusambandinu.

Þetta um aðlögunina kemur einnig fram í fleiru, eða eins og segir í fréttinni að efni viðræðnanna um vísindi og rannsóknir annars vegar og menntun og menningu hins vegar hafi þegar verið tekið upp í íslensk lög.

Í hinum tveimur köflunum sem viðræðurnar snúast um, þ.e. um opinber útboð og um upplýsingasamfélagið og fjölmiðla kemur fram að Ísland verði “að ljúka innleiðingu lagasetningar … áður en þeim [þ.e. viðræðunum] verður lokað.”

Össur fer svo að venju með rangt mál hér, en áður hafði hann t.d. talað um að atvinnuleysi muni minnka við inngöngu í ESB (þar sem er mun meira atvinnuleysi en hér).
Nú fullyrðir hann t.d. ranglega að “Icesave-deilan hafi gert Íslendinga andsnúna aðild að ESB” en skoðanakannanir sýna að stuðningur við aðild hafi aukist undanfarið (þrátt fyrir Icesave).

Já þessi maður, sem stýrir viðræðunum við ESB fyrir okkar hönd, hefur iðulega verið ber að ósannsögli hvað varðar viðræðurnar – og ætti því að vera fyrir löngu búinn að fyrirgera rétti sínum til að stýra þeim.

Söguleg stund fyrir Ísland