"Og það var samþykkt"!

Össur gerir það ekki endasleppt í glórulausum áróðri sínum fyrir ESB.

Menn hafa bent á ummæli Össurar og manna hans í tengslum við viðræður Íslands við ESB þar sem mjög er agiterað fyrir aðild.
Björn Bjarnason bendir t.d. á að fjórir af níu í samningarnefnd Íslands séu úr utanríkisraðuneytinu - og að stefna ráðherrans sé önnur en forsætisráðherra.

Því hefur iðulega verið haldið fram að það sé ekki aðildarviðræður sem séu í gangi heldur aðlögunarviðræður.
Nú rétt áðan, í kvöldfréttum Stöðvar 2, sagði Össur, gegn þessu síðastnefnda, að hann hafi haldið ræðu á fundi með ESB mönnum í dag og sagt eitthvað á þá leið að Ísland myndi ekki innleiða reglugerðir ESB fyrr en að lokinni þjóðaratkvæðagreiðslu um aðildina. Þessu hafði enginn ESB-maður mótmælt.
Í lok viðtalsins endurtók Össur þessi orð sín um enga aðlögun fyrir atkvæðagreiðslu - og bætti við að það hafi verið samþykkt!

Já, þögn er sama og samþykki segja börnin hvert við annað. Ljóst er því af þessu að Össur er ekki enn búinn að slíta barnsskónum!

Það er auðvitað gott að varðveita barnið í sér eins og Össur svo sannarlega gerir, en hvort það sé rétt að láta svo barnalegan mann stjórna viðræðunefnd Íslands er önnur saga.

Sjávarútvegskafla lokað síðast