Gjörbreytt lið

Eins og kom fram í viðtali við Aron Einar annars staðar þá er Cardiff með gjörbreytt lið frá því sem verið hefur. Hann hélt að 9 leikmenn hafi farið frá liðinu eftir leiktíðina en það voru alls 12.
Þar af eru menn eins og Craig Bellamy, Jay Bothroyd og Michael Chopra
Bellamy var reyndar á láni frá Manch. City, en hinir voru mjög öflugir í framlínu Cardiff í vetur.
Þeim hefur þó tekist að halda í helsta markaskorara sinn, Peter Wittingham, sem skoraði 36 mörk á síðustu tveimur leiktíðum.

Í staðinn hefur þjálfarinn, sem er nýr en sá gamli var rekinn eftir sex ár hjá félaginu, keypt tvo Skota. Annar er landliðsmaður, miðjumaðurinn Don Cowie, og hinn er einnig skoskur landsliðsmaður, Craig Conway frá Dundee Utd. Þá er þjálfarinn með annan Dundee-mann í siktinu, landsliðsmann 21 árs liðs Skota, David Goodwillie, sem Íslendingar kannast við.
Þá hefur Cardiff fengið gamla brýnið Rob Earnshaw frítt.
Andrew Taylor frá Middlesbrough er einnig nýr í liðinu, en hann er varnartengiliður.

Þannig gæti verið erfitt fyrir Aron Einar að komast í liðið með tvo öfluga miðjumenn að keppa við, auk þeirra sem fyrir eru í liðinu.

Aron Einar mun semja við Cardiff