Ari Freyr ekki til Lilleström á næstunni

Þetta er nú ónákvæm frétt hjá mbl.is þó svo að hún sé athyglisverð.

Fyrir það fyrsta heitir blaðið sem fréttin er úr ekki Sundsvall Tidende (það er norska!) heldur Sundsvall Tidning (sem er sænska!).

Auk þess kemur fram í fréttinni að Ari Freyr er ekkert á leið til Lilleström á næstunni. Félagið á enga peninga til að kaupa hann svo það bíður eftir að samningur hans renni út í haust.

Auk þess hefur Ari sagt að hann vildi hjálpa GIF Sundsvall upp í úrvalsdeildina áður en hann yfirgæfi félagið.

Það hlýtur samt að fara að verða spurning fyrir hann hvort ekki sé best að gera nýjan samning við félagið. Það hefur nú unnið sjö leiki í röð og stefnir beint upp ef svo heldur sem horfir. Þá er ágætt að vera í liði þar sem maður þekki alla og er vel inni í fótboltaspeki liðsins og þjálfarans (sem reyndar er gamalreyndur í faginu og með miklar merítur, Sören Akeby).

Ari er búinn að eiga stórleiki með GIF í sumar og skorað mörg mörk. Í síðasta leik átti tók hann fríspark, eins og iðulega með liðinu, sem leiddi til marks.
Hér má sjá eitt af hans frægu fríspörkum sem hafa lent í netinu: http://gifsundsvall.se/spelare/ari-freyr-skulason/

Segja má að örlög Ara séu svipuð og Tryggva Guðmundssonar meðan Tryggvi spiaði með Tromsö í Noregi. Þeir dældu (og dæla) inn mörkum, einkum úr fríspörkum en komu (og koma) ekki til greina í landsliðið.

Líklega verður Ari að koma heim til að koma til greina (þó svo að það sé ekki reyndin með Garðar Jóhannsson).

Lilleström á höttunum eftir Ara Frey