Pálmi Rafn í hörku formi

Gamli landsliðsmaðurinn, Pálmi Rafn Pálmason, hefur átt misjöfnu gengi að fagna með Stabæk undanfarin ár en er nú virkilega að ná sér á strik með liðinu.

Í lýsingu aftenposten.is frá sigurleik liðsins í dag, gegn Strömgodset, fær hann mjög góða dóma.
Bjarni Ólafur skoraði fyrsta mark liðsins 1-0, en Pálmi Rafn, sem einnig var í byrjarliðinu, skoraði annað markið (2-0) eftir að hafa átt hörkuskot í slána rétt áður. Þá fékk hann þessi ummæli: "Islendingen har for øvrig en veldig god kamp i dag!" Hann var svo var tekinn út af á 75. mínútu og fékk þá þessa kveðju: "Pálmason har hatt en meget god kamp for hjemmelaget. Hørte jeg banens beste?"

Íslenska landsliðið á í erfiðleikum með markaskorara en Pálmi Rafn hefur nú skorað 6 mörk í 15 leikjum fyrir Stabæk og hefur verið í byrjunarliðinu í undanförnum leikjum.
Það er greinilega kominn tími til að velja hann aftur í landsliðið...

Bjarni Ólafur og Pálmi Rafn skora í Noregi