Kominn tími á pressuleik?

Í ljósi þess hversu fáa æfingaleiki íslenska karlalandsliðið í fótbolta fær um þessar mundir, finnst mér tilvalið að fá leik milli landsliðs og pressuliðs eins og tíðkaðist í den.
Þá fær blessaður landsliðsþjálfarinn, og við íslensku fótboltaáhugamennirnir, tækifæri til að sjá þá leikmenn erlendis sem ekki hafa fengið tækifæri til að spila með landsliðinu undanfarið.
Ég vil hér með leyfa mér að velja pressuliðið (22 leikmenn) og vel þá í það aðeins þá leikmnenn sem ekki voru í landsliðshópnum síðasta og eru ómeiddir. Þetta eru allt leikmenn sem spila yta, nema markverðirnir. Þá þarf auðvitað að velja þjálfara liðsins og finnst mér eðlilegt að það verði þjálfari Íslandsmeistara síðasta árs, Ólafur Kristjánsson (sem svo velur endanlegt lið en allir verða auðvitað að fá að spreyta sig og helst jafn mikið).
Hér er pressuliðið:

Markvörður: Guðleifur Guðleifsson (Ingvar Kale)
Hægri bakvörður: Grétar Rafn Steinsson (Andrés Már Jóhannesson)
Vinstri bakvörður: Bjarni Ólafur Eiríksson (Arnar G. Viðarsson)
Miðverðir: Ragnar Sigurðsson og Hjálmar Jónsson (Kristján Örn Sigurðsson og Hallgrímur Jónasson)
Tengiliðir: Eyjólfur Héðinsson og Helgi Valur Daníelsson (Guðlaugur Victor Pálsson og Davíð Viðarsson)
Kantmenn: Theódór Elmar Bjarnason og Ari Freyr Skúlason (Aron Jóhannsson og Steinþór Þorsteinsson)
Framherjar: Björn Bergmann Sigurðarson og Veigar Páll Gunnarsson (Pálmi Rafn Pálmason og Gunnar Heiðar Þorvaldsson)

Þorir landsliðið í þetta firnasterka pressulið?

Pálmi Rafn á förum frá Stabæk?