Ekki mjög frumlegt!

Ólafur landsliðsþjálfari virðist hafa harla lítið lært af stórtapi landsliðsins gegn Ungverjum nú síðast. Velur nánast sama liðið nema með Veigar Pál Gunnarsson inni (auk Kristján Arnar og Gylfa Þórs (en Gylfi virðist þar með hafa stigið upp úr meiðslum þó svo að hann sé ekki enn í leikmannhópi Hoffenheims)).

Það er auðvitað löngu tímabært að Veigar sé aftur valinn í liðið, en það eru litlar líkur (frekar en fyrri daginn) að hann fái eitthvað að spila, hvað þá að hann verði í byrjunarliðinu. Vera Helga Daníelssonar í liðinu er einnig gleðiefni þó ólíklegt sé að hann fái að spila nokkuð.

Þá gildir það sama um liðið nú sem fyrr. Stór hluti leikmanna hefur ekkert verið að spila með sínum félagsliðum (Gylfi Þór, Jón Guðni, Alfreð Finnboga, Heiðar Helguson, Aron Einar, Eggert Jóns, hvort sem þeir hafa verið meiddir eða ekki). Aðrir hafa lítið spilað svo sem Rúrik Gísla, Jóhann Berg og Birkir Bjarna.

Já, það er því ekki nema von að íslenska landsliðið sé í frjálsu falli niður alþjóðlega stigalistann.

Það er þó bót í máli að við þurfum ekki að búa við þennan landsliðsþjálfara nema í þessa tvo leiki núna og svo einn í viðbót. Því ber auðvitað að fagna.

Veigar Páll aftur valinn í landsliðið