Enn versnar í því fyrir landsliðið

Valið á landsliðinu verður sífellt heimskulegra. Bæði Aron Einar og Hermann Heiðars spiluðu ekki í dag með félagsliðum sínum (annar meiddur en hinn kemst ekki einu sinni á bekkinn), en eru samt í alndsliðshópnum.

Auk þess spiluðu tveir aðrir landsliðsmenn, Heiðar Helgason og Gylfi Þór, ekkert í dag (og Gylfi ekki í liðinu),

Þá kom Alfreð Finnbogason inn á  hjá liði sínu Lokeren á 89. mínútu í tapi liðsins sem nú er komið í 13. sæti belgísku deildakeppninnar (16 lið). 

Belgíska deildin er orðin eins konar Íslendingadeild eftir að Ólafur Skúlason og Jón Guðni Fjóluson komu til hennar, en auk þess spiluðu þar fyrir bræðurnir Bjarni Viðarsson (meiddur) og Arnar G. Viðarsson, með belgískum liðum.

Íslendingaliðin eru reyndar að standa sig illa. Beerschot Jón Guðna er í 10. sæti og lið Ólafs í því 11.

Mechelen, lið Bjarna, er hins vegar að standa sig vel og er í efsta sætinu. Bjarni er þó meiddur og auk þess í ónáð hjá þjálfaranum og fékk ekkert að spila meðan hann var heill.

Lið gamla brýnisins Arnar G. Viðarssonar er einnig að standa sig vel og er nú komið upp í annað sætið. Munurinn á þeim bræðrum er sá að Arnar leikur alla leiki liðsins, sem varnartengiliður vinstra megin á vellinum (eins og hann lék um tíma með íslenska landsliðinu).

Arnar er þannig í mun sterka liði en Alfreð Finnbogason og leikur miklu meira en hann, en samt er Alfreð valinn í íslenska lanmdsliðið en ekki Arnar!

Já, vegir Óla Jó. landsliðsþjálfara eru órannsakanlegir.

Annars sýnir þetta okkur hversu öflug eldri kynslóð íslensku fótboltamannanna er ennþá og hversu stutt leikmenn 21 árs liðsins eru enn komnir - og hve lítið er hægt að byggja á þeim ennþá.

En það þarf nýja landsliðsþjálfara til að sjá það - og nýja KSÍ forystu.

Brighton á toppi 1. deildarinnar