Jamm, merkilegt!

Arnar Þór spilar alla leikina með liði sínu, sem er komið í efsta sæti belgísku deildarinnar, en er ekki valinn í landsliðið.

Það eru hins vegar Jón Guðni Fjóluson og Alfreð Finnbogason sem ekkert spila með liðum sínum, sem þó eru í 12-13. sæti deildarinnar.

Við sjáum fleiri svona dæmi um visku landsliðsþjálfarans í leikjum dagsins. Ein er sú staðreynd að Rúrik Gíslason er ávallt valinn í landsliðið (nema þegar hann er meiddur) en fær lítið að spila með liði sínu OB.

Nú var hann tekinn út af í hálfleik þegar staðan var 1-0 fyrir andstæðingana. Þegar OB var laus við Rúrik gerði liðið 3 mörk og sigraði örugglega!

Einnig má benda á 0-1 sigur FC Kaupmannahöfn í dag gegn Lyngby á útivelli. Sölvi Geir Ottesen var í byrjunarliðinu að venju, en Ragnar kom inn á á 11. mínútu er danski landsliðsmaðurinn Zanka meiddist. Þetta var sagt um Ragnar eftir leikinn: “Hans [Zenkas] afløser - islændingen Ragnar Sigurdsson - gjorde det godt mod Lyngby. Og han ser nu sin chance for at blive fast mand.”

Markmaður FCK hafði þetta að segja: "Ragnar Sigurdsson gør det godt, da han kommer ind. Han er stor og stærk og god i hovedspillet. Zanka er mere en spillende midtstopper, og måske lidt bedre med bolden. Men Ragnar er lidt stærkere i nærkampene, så det er to forskellige midtstoppere."

Og þjálfarinn sagði þetta: “Ragnar gjorde det vældig godt i dag”.

Ragnar hefur eins og kunnugt er ekki átt upp á pallborðið hjá landsliðsþjálfaranum íslenska - og nennti skiljanlega ekki til lengdar að svara kallinu um að sitja á bekknum - og gefur ekki lengur kost á sér í landsliðið.

 

Arnar Þór í sigurliði Cercle Brugge