Ástæðan fyrir því hversu lítið Eggert fær að spila?

Það er ekki að spyrja að þessum umboðsmönnum knattspyrnumannanna. Reyna að hækka verðið á leikmönnum sínum svo þeir fái meira í sinn snúð.

Heill knattspyrnumannanna sjálfra er látin sitja á hakanum. Þetta er sérstaklega áberandi nú um stundir þegar flest knattspyruufélög eiga í fjárhagslegum erfiðleikum og reyna að spara hjá sér með öllum ráðum.

Karpið um kaup og kjör hafa gert það að verkum að margir knattspyrnumennirnir okkar lenda á bekknum og fá lítið að spila. Þetta á ekki síst við ungu leikmennina sem trúðu því og treystu að Evrópumótið 21 árs og yngri myndi fær þeim gull og græna skóga.

Reyndin var önnur. Má þar nefna Birki Bjarnason sem settur var út úr liði sínu Viking fyrir að neita að skrifa undir nýja samning. Það er núna fyrst sem hann fær að spila - og árangur liðsins batnað eftir því.

Hitt dæmið er Eggert. Hann hefur lítið fengið að spila með liðin sínu, Hearts, undanfarið eða reyndar allt frá að keppnin í skosku úrvalsdeildinni hófst nú síðsumars.

Hann hefur aðeins verið í byrjunarliðinu í tveimur leikjum - og sat á bekknum allan tímann í síðustu umferð, þó svo að leikurinn tapaðist.

Þetta er ekki aðeins vandræðalegt fyrir hann, heldur einnig fyrir íslenska landsliðið. Margir leikmenn þess í undanförnum leikjum, fá ekkert að leika með félagsliðum sínum.

Má þar þar nefna Hermann Hreiðarson, Alfreð Finnbogason og Jón Guðni Fjóluson, sem hafa ekki leikið einn einasta leik nú í haust. Heiðar Helguson hefur einnig ekkert fengið að spila, en er þó að koma til og fékk nokkrar mínútur í síðasta leik. Jóhann Berg hefur sama sem ekkert verið í byrjunarliðinu hjá sínu félagsliði – og staðan hjá Rúrik Gíslasyni er litlu betri. Þá er Hjörtur Logi kominn út í kuldann hjá Gautaborg og svo Eggert Jónsson hjá Hearts. Menn sem gætu komið þarna í staðinn gefa margir hverjir ekki kost á sér.

Ástandið er sem sagt ekki björgulegt!

Að lokum má nefna að Drillo er búinn að velja landsliðshóp Norðmanna sem eiga að leika sama dag og íslenska landsliðið (11. október).

Einnig er sænski landsliðsþjálfarinn búinn að velja sænska hópinn.

Óli Jó. er hins vegar greinilega í svo miklum vandræðum með sitt val - að hann býður með það í lengstu lög.

 

 

Eggert Gunnþór hafnaði tilboði Hearts