Ekki sniðugt!

Það hefur hingað til ekki reynst neitt sérstaklega vel að lenda upp á kant við þjálfarann, sérstaklega ef maður hefur ekki efni á að vera að gagnrýna hann. Þetta á við um Rúrik rétt eins og fleiri.

Ég tók saman nokkrar tölulegar staðreyndir og byrja á leiknum gegn Silkiborg, sem Rúrik gerði sjálfur að umtalsefni.

Hann byrjaði inn á í leiknum úti gegn Silkeborg, í 8. umferðinni, en var tekinn út af í hálfleik þegar staðan var 1-0 fyrir heimaliðið. Eftir það skoraði OB þrjú mörk! Rúrik var svo á bekknum í 9. umferð úti gegn Horsens en kom inn á á 70. mín., þegar staðan var 3-1 (leiknum lauk 4-3). Hann byrjaði svo inná í leik heima gegn Midtjylland sem komst 0-3 yfir þegar í fyrri hálfleik! Rúrik var skipt út á 83. mín. í stöðunni 1-3 (fór 1-4). Rúrik spilaði svo allan leikinn gegn Köge í 2-1 sigri.

Hvað Evrópukeppnina varðar þá byrjaði Rúrik Gíslason inn á í útileik gegn Kraká sem fór 1-3 (fyrir OB). Hann var tekinn út af á 90. mínútu er staðan var 1-2. Í næstu umferð lék OB heima gegn Fulham en Rúrik var ekki í byrjunarliðinu. Rúrik kom inná á 79. mín. þegar staðan var 0-1. Leiknum lauk 0-2.

Af þessu má sjá að liðinu gengur yfirleitt betur þegar Rúrik er á bekknum en þegar hann leikur. Ég leyfi mér því að efast um dómgreind hans (enginn er dómari í eigin máli) þegar hann fullyrðir að liðinu hafi gengið betur með sig innanborðs en utan.

 

 

 

Rúrik óhress með þjálfara OB