Er íslenskur ráðherra á fundinum?

Það væri fróðlegt að fá að vita hvort íslenskur ráðherra sé á fundinum - svo sem Ögmundur Jónasson innanríkisráðherra, sem hlýtur að komast næst því að teljast vera "varnarmálaráðherra" landsins.

En kannski er Össur utanríkis þarna til að koma í veg fyrir áhrif "kommúnista" á ákvarðanir NATÓ?

Allavegana þá skilst mér að eitt nei-atkvæði nægi til að stöðva loftárásirnar á almenna borgara í Sirte og Bani Walid - rétt eins og eitt nei-atkvæði hefði átt að geta komið í veg fyrir að lofthernaðurinn hæfist.

Reyndar er það eitthvað málum blandið, en fregnir hafi borist af því að ákvörðunin um aðgerðirnar gegn þáverandi stjórnvöldum í Libýu hafi verið samþykkt með eins atkvæðis mun.

Ef það er rétt þá gerði já-atkvæði Össurar Skarphéðinssonar á sínum tíma útslagið um að farið var í þessar aðgerðir sem hafa kostað amk 60.000 manns lífið.

Já, maðurinn sá á margt á samviskunni, sem og sú ríkisstjórn sem veitti (þegjandi?) samþykki sitt fyrir þeim.

NATO-ríkin ræða framhald aðgerða