Góðar fréttir!

Það er fleiri sem gleðjast yfir því að Ólafur Jóhannesson er hættur með landsliðið - og eflaust flestir þeir sem hafa einhvern metnað fyrir hönd liðsins.

Nú fara þeir vonandi að koma sem Ólafur hefur lent upp á kant við, menn eins og Theódór Elmar Bjarnason og Veigar Páll Gunnarsson. Sá síðarnefndi var með kauptilboð upp á 100.000.000 nú í sumar en fékk þó ekkert að spila í landsliðinu - og að lokum rekinn úr liðinu fyrir smávægilegt "aga"brot!

Annars er hætt við gagngerri uppstokkun á liðinu ef Svíinn Lars Lagerbaek verður landsliðsþjálfari. Hann er þekktur fyrir að velja reynslumikla leikmenn í lið sitt - bestu leikmennina - en ekki einhverja stráka vegna þess að þeir eru efnilegir.

Er þá hætt við að leikmenn eins og Jóhann Berg, Rúrik Gísla, Alfreð Finnboga og Jón Guðni Fjóluson verði ekki valdir í bráð í liðið.

Satt best að segja mun ég ekki sakna þeirra - og ekki heldur Arons Einars Gunnarssonar. 

Ragnar glaður að fá nýtt tækifæri