Enn eitt myndbandið

Hér má sjá enn eitt myndbandið þar sem vel kemru fram hvernig farið var með Gaddafi meðan hann var enn á lífi:

https://www.facebook.com/photo.php?v=10150362178348094

Annars er þessi frétt Moggans nokkrum klukkutímum á eftir atburðunum því ákveðið hefur verið að fresta útför Gaddafis um óákveðin tíma. Ekki virðist það þó vera til að ganga endanlega úr skugga um hvernig hann var drepinn heldur til að sýna umheiminum líkið - og sannfæra alla um að þetta sé raunverulega hann.

Læknir sem hefur skoðað lík Gaddafis staðfestir að hann hafi verið skotinn í höfuðið en segir jafnframt að það hafi ekki orsakað andlát hans, heldur skot í magann. Þá eru flestir fjölmiðlar, svo sem New York Times og Daily Telegraph, sammála um að uppreisnarmennirnir hafi tekið Gaddafi af lífi.

Þá finnst mér vægast sagt ósmekklegt af blaðinu að falla í þá gryfju að gera aðdragandann að falli hans eins niðurlægjandi fyrir Gaddafi og hægt er. Það er einungis áróður uppreisnarmanna sem á ekkert erindi til okkar hér uppi á klakanum.

Nógu mikið voru fjölmiðlar gagnrýndir fyrir fréttaflutninginn af falli Saddams þó svo að þeir falli ekki aftur í sama fúla pyttinn.

Svo er bara að vona að ofbeldisverkunum fari að linna í þessu stríðshrjáða landi.

Jarða Gaddafi með leynd