Vel sloppið hjá Veigari

Hann losnar við leikbann, sem var reyndar yfirvofandi. Mörgum fannst eðlilegt að Vålerenga fengi þá refsingu að Veigar fengi ekki að spila með liðinu þar sem eftir væri leiktíðarinnar.

Margir héldu jafnvel að kaupin yrðu látin ganga til baka. Það hlýtur að vekja nokkra furðu að svo var ekki.

Þá er sektin fáránlega lág því vitað er að Stabæk losnaði við að borga tvær milljónir norskra króna til Nancy eða um 22 milljónir íslenskra króna, en sektin til beggja félaganna nemur aðeins um 18 milljónir.

Þá virðist Nancy ekki fá neitt fyrir sinn snúð sem er furðulegt. Það er hætt við að franska félagið unir ekki þessum úrskurði, sem virðist fyrst og fremst vera felldur til að afla norska fótboltasambandinu fjár, ekki ekki að láta réttlætið fram ganga. 

Háar sektir vegna Veigars