Samfylkingin í stjórnarandstöðu?

Það er merkilegt að heyra tóninn í Samfylkingarþingmönnunum Kristjáni Möller og Magnúsi Orra Schram vegna Grímstaðamálsins. Pirringurinn í garð ráðherra Vinstri grænna leyna sér ekki - enda tóninn harður.

Svo virðist sem þessir og fleiri þingmenn Sf, meira að segja einn ráðherrann,  séu í miklu harðari stjórnarandstöðu við Vg um þessar mundir, en hinir raunverulegu stjórnarandstöðuþingmenn.

Samfylkingin er greinilega að verða helsti málsvari landsölunnar- og taka þar upp merkið frá því fyrir hrun.

Menn virðast gleyma umræðunni um HS Orku og hversu hæpið það er að leyfa óheftar fjárfestingar útlendinga í landsgæðum á Íslandi. Þar voru þó Samfylkingin og Vinstri grænir sammála (að mestu).

Hvað nú hefur breyst er ekki vitað, en greinilegt er að áðurnefndir Samfylkingarþingmenn hafa fullan huga á öðru stjórnarsamstarfin en með Vg.

Kannski ætti Jóhanna Sigurðardóttir að fara að smala köttum í eigin garði?

Fundin verði leið sem allir geti fellt sig við

Athugasemdir

[hilmar jónsson, 10.11.2011 kl. 13:03]

Hef verið að hugsa það sama Torfi.

Er fariið að bera á óþoli hjá SF fyrir því að komast sem fyrst aftur í faðm Sjálfstæðisflokksins ?

[Óskar Guðmundsson, 10.11.2011 kl. 13:31]

Samspillingin er orðin einskonar "konsentrat" af því sem menn hafa talið Sjöllum til foráttu, nefnilega það að Spillingunni hefur tekist að gera minna og svíkja fleira á sl. 2 árum en Sjallarnir á 10 þar á undan