Hverra erinda gengur sérstakur saksóknari?

Það er vægast sagt orðið ruglingslegt að fylgjast með aðgerðum (og/eða aðgerðarleysi) sérstaks saksóknara.

Uppákoman síðustu daga vekur grun um að hér sé verið að setja upp sjónarspil til að fela það að enn hefur engin kæra komið fram - af þeim 10 kærum sem hafa verið boðaðar fyrir jól.

Í stað þess eru nokkrir menn settir í gæsluvarðhald, rétt eins og gert var við Kaupþingsmennina. Þá var þeim sleppt eftir mikið fjaðrafok, handtökur og gæsluvarðhald - en sleppt eftir nokkra daga og svo ekki söguna meir.

Er verið að leika sama leikinn núna? 

Ég vil bara minna á hver það var sem réði þennan "sérstaka" saksóknara til starfa - og hef sterkan grun um að hann hafi fengið nokkuð sterk skilaboð um hvernig hann skyldi starfa. Við skulum rétt vona að' sá grunur sé rangur.

Hvrsu lengi ætlar núverandi ríkisstjórn að láta þennan drátt á ákærum afskiptalausan?

Og hversu lengi ætlar hún að spila með og auka í sífellu fjárveitingar til embættisins?

 

Skal rannsaka meint brot