Engin ákæra fyrir jól eins og lofað var?

Það lítur allt út fyrir það að hinn mjög svo "sérstaki" saksóknari hafi enn og aftur lofað upp í ermina á sér með því að segjast ætla að gefa út ákærur í átta málum fyrir jól, eins og hann sagði fyrir ekki svo löngu síðan.

Svo virðist sem handtaka og gæsluvarðhald Glitnismanna hafi verið dúsa upp í mannskapinn til að draga úr óánægju almennings með seinaganginn hjá embættinu.

Hann lofar núna ekki einu sinni ákærum í málinu, segist vera hlutdrægur ef hann gerði það, en samt er það verk hans sem saksóknara!

Nú er talað um tugi milljarða sem gætu hugsanlega innheimtast á næstu árum. Það verður þá vonandi eitthvað upp í kostnaðinn við þetta embætti og 80 starfsmenn þess. Ég hef áður sagt að það muni engin ákæra koma frá þessu embætti  og sannfærist enn betur um það eftir þetta viðtal.

Það er hins vegar spurning hvað stjórnvöld gera. Hvort þau sætti sig við þetta peningaaustur í starf sem engan árangur hefur borið og alls óvíst að muni nokkurn tímann gera það.

Ég legg til að manninum verði gefinn stuttur frestur til að koma amk 10 málum frá sér, annars verði hann látinn fara.

Tugir milljarða í húfi

Athugasemdir

[Sleggjan og Hvellurinn, 12.12.2011 kl. 22:41]

Þetta er algjörlega glórulaus tillaga.

Viltu að Saksóknari leggur fram óklárað mál bara til að þú getur fróað þér á því?

Þessi fjármálamenn eru með bestu lögfræðinga sem fyrirfinnast og munu tæta í sig málin.

Þú segir að engin ákæra mun koma frá þessu embætti. 

Við skulum nú sjá til hver hefur rétt fyrir sér.