Til hvers er þessi frétt?

Það er í raun stórmerkilegt að frétt eins og þessi skuli birtast í íslenskum fjölmiðli. Af hverju? Er verið að sýna fram á ógnina sem stafar að Kínverjum almennt séð?

Reyndar birtist frétt um daginn af því að Bandaríkjamenn væri að reisa herstöð á norðurhluta Ástralíu svo fréttin gæti verið komin frá þeim öflum í Bandaríkjunum sem vilja réttlæta þá ákvörðun. Þá liggur fyrir á Bandaríkjaþingi niðurskurðartillaga forsetans um að skera verulega niður í bandaríska heraflanum. Repúblikanar berjast auðvitað gegn þessu af ráðum og dáði og segja að um ein og hálf milljón manna verði atvinnulausir ef af þessum niðurskurði verður.

Má af því já hvað hernaðarmaskína USA er mikilvæg fyrir efnahagslíf landsins.

Svo hér er Mogginn, vitandi eða óaðvitandi, að ganga í lið með haukunum í bandarískri pólitík með því að birta þessa frétt.

Og hver veit nema hræðslan við að "flugmóður"skip þetta endi uppi á Hólssandi sem spilavíti, spili þarna einnig inn í? Já, það gæti orðið hættulegt!

Myndir af nýju kínversku herskipi