Glæpsamleg yfirvöld

Svíar eru mjög hneykslaðir og reiðir yfir þessum harða dómi sem sænsku blaðamennirnir eiga yfir höfði sér í Eþíópíu. Sænska ríkisstjórnin mun krefjast framsals þeirra og hafa þegar mótmælt dómnum.

Þetta land, Eþíópía, er þekkt fyrir mannréttindabrot á þegnum sínum en hefur fengið að hafa sitt fram án afskipta vestrænna ríkja vegna stuðnings þeirra við stjórnvöld í Sómalíu sem eru studd af  vestrænum ríkjum.

Þessi meintu hryðjuverkasamtök, sem Svíarnir voru í tengslum við til að skrifa fréttir um baráttu þeirra, eru ekki frekar hryðjuverkasamtök en Hamas er á Gazasvæðinu eða PKK í Tyrklandi. Samtökin berjast gegn hinum spilltu stjórnvöldum í Addis Abeba.

Sem dæmi um framferði stjórnvalda má nefna að í gær voru fréttamenn frá sænska ríkissjónvarpinu handteknir en reyndar sleppt skömmu síðar. Stjórnvöld í Eþíópíu haga sér greinilega eins og þeim sýnist og virðast komast upp með það.

Dæmdir fyrir hryðjuverkastarfsemi í Eþíópíu