Ekki byrjar það vel!

Já, þjálfaraferill Lars Lagerbäck byrjar ekkert alltof vel, 18 sæta fall eftir tvo tapleiki gegn frekar veikum mótherjum!

Mér finnst ástæðan liggja í augum uppi. Lars byggir á sömu leikmönnum og Óli Jó. gerði, mönnum sem eru í lítilli leikæfingu og með lítið sjálfstraust eftir að hafa vermt varamannabekkina hjá félagsliðum sínum lungann af atvinnumannaferlinum.

Þá orkar valið á aðstoðarþjálfaranum, tannlækninum frá Vestmannaeyjum, tvímælis enda sýnt sig að þeir leikmenn sem spila hér á landi og voru valdir í landsliðið í leikjunum tveimur eiga lítið erindi í þann hraða sem einkennir alþjóðafótbolta, enda hafa þeir litla sem enga reynslu af honum.

Svíinn þarf greinilega að endurskoða valið á landsliðinu ef ekki á að fara illa.  Hann verður að velja atvinnumenn sem spila reglulega með liðum sínum.

Ef hann gerir það ekki eigum við von á enn einni hörmungartíðinni fyrir íslenskan karlafótbolta.

Ísland fellur um 18 sæti á heimslistanum