0-1 tap?

Ekki veit ég hvernig íþróttablaðamaður Moggans fái það út að við högum verið að tapa með minnsta mun (0-1) í gegnum tíðina.

Mig minnir sú að síðasti leikurinn í undankeppni HM gegn Portúgal hafi tapast 3-5 og vináttuleikur gegn Ungverjum 0-4! Þetta var í fyrra svo eitthvað er skammtímaminni blaðamannsins brenglað.

Það var reyndar ekki nema von að svo færi því Óli Jó. landsliðsþjálfari var sífellt að hringla með liðið, ekki síst í vörninni. Notaði gamla úr sér gengna jálka eins og Hermann Hreiðarsson fram í rauðan dauðann (Kristján Örn og Indriði eru önnur dæmi, að vísu ekki eins slæm).

Nú er hins vegar vandamál í vörn Íslenska liðsins vegna meiðsla. Sölvi Geir gat t.d. ekki spilað, ekki Grétar Rafn né Hjálmar Jónsson (og Hjörtur Logi er alls ekki nógu góður fyrir landsliðið).

Þeirra í stað spiluðu þrír varnarmenn (af fjórum) í stöðum sem þeir spila yfirleitt alls ekki.

Ég er hins vegar á því að það vanti fyrst og fremst stuðning frá tengiliðunum við varnarmennina og að miðjan sé þannig vandamálið hjá okkur. Þar vantar einnig vel spilandi leikstjórnanda í stað þessarar tilviljanakenndu spilamennsku, en það jákvæða kom reyndar oftar frá velspilandi varnarmönnum eins og Hallgrími og Atla Frey (jafnvel Kára) en frá miðjumönnunum.

Ég held að það fengist mikið með því að gefa Aroni Einari frí frá landsliðinu. Það kemur aldrei neitt skapandi frá þeim manni, auk þess sem hann vinnur varnarvinnuna yfirleitt með hangandi haus.

Varnarleikurinn verkefnið