Dómararnir enn og aftur!

Já, þetta ætlar að verða enn eitt mót hinna stóru skandala. Enn er verið að bjarga stórveldunum áfram í keppninni, nú Englandi (og Frökkum) á kostnað Úkraínu.
Endalínudómarinn er eins vel staðsettur og hægt er en lokar augunum fyrir því að boltinn fer klárlega allur yfir marklínuna hjá Englendingum.
Hann þorði greinilega ekki að dæma mark!!

Þetta sýnir að manninum er alls ekki treystandi í svona aðstæðum. Myndbandsupptökkin er einni treystandi, sem ætti ekki að vera neitt tiltökumál því þeirri tækni hefur verið beitt með góðum árangri í ísknattleik í mörg ár.

En skömm UEFA og evrópska knattspyrnudómarasambandsins er mikil. Hlutdrægni dómaranna hefur skipt máli í amk þremur leikjum beint. Einnig má segja að þeir hafi sent eitt skemmtilegasta liðið út úr keppninni, þ.e. Rússa, með furðulegum dómum og fjölda spjalda í leiknum gegn Pólverjum í annarri umferðinni (sem gerði það að verkum að Rússar þorðu ekki að beita sér í leiknum gegn Grikkjum, töpuðu og eru úr leik).

England sigurvegari í D-riðli - mætir Ítalíu