Steinþór að gera það gott

Steinþór Þorsteinsson fær mikið hrós í norskum fjölmiðlum eftir leikinn í dag - og viðtölin láta ekki á sér standa. Þar segist hann geta gert enn betur.

http://fotball.aftenposten.no/eliteserien/article255388.ece

Í ljósi síðasta landsleiks þegar Birkir Már Sævarsson var farinn að spila hægri kant er skrítið að Steinþór hafi ekki fengið neitt tækifæri með íslenska landsliðinu. Hann hlýtur að koma til álita hjá landsliðsþjálfaranum eftir mjög góða frammistöðu á þessari leiktíð, sérstaklega ef Sandnes tekst að halda sér uppi í deildinni.

En það eru fleiri leikmenn, sem ekki komast í landsliðið, að gera það gott ytra. Stefán Gíslason skoraði þriðja mark liðs síns, Leuven, í belgísku úrvalsdeildinni í 1-3 sigri þess. Leuven er nú í 5.-6. sæti í einni af bestu deildum í Evrópu og hefur komið mjög á óvart.

Stefán á auðvitað skilið að fá möguleika í landsliðið eftir mjög gott tímabil ytra þar sem hann hefur leikið alla leiki liðsins. Hann er amk í betra leikformi en Eggert Jónsson.

Svo er Teddy, eða Theódór Elmar Bjarnason, búinn að jafna sig á langvarandi meiðslum þannig þar er enn einn leikmaður sem bankar á landsliðsdyrnar.

Steinþór Freyr fór hamförum gegn Fredrikstad