Óheppni!

Það er stutt á milli feigs og ófeigs í boltanum. Í "fyrri" leiknum (í október, þ.e. í gær) átti Ari Freyr skot í þverslá (rétt áður átti hann hörkuskot sem markmaðurinn varði með naumindum). Sama gerðist í stöðunni 1-2 fyrir Sundsvall í dag en þá átti samherji Ara skot í slá þegar um 5 mínútur voru eftir. Eftir það jafnaði Åtvitaberg og nú bíður Sundsvall nær örugglega erfitt umspil um sæti í efstu deild við Íslendingaliðið Halmstad.

Liðið sem er að slást við Sundsvall um að sleppa við umspilið, Syrianska, er amk mjög ánægt með úrslitin og telur sig nú hólpið. Markaskorari Åtvitaberg í leiknum (sá sem gerði 2-2 markið) er uppalinn hjá Syrianska (hálfbróðir Guðmundar Mete?) og fékk yfir hundrað hringingar eftir leikinn - allt haminguóskir og þakklæti!!!

Ekki bætir nú úr skák að Ari Freyr verður í banni í síðasta leiknum, en nær undantekningarlaust tapar liðið þegar hann er ekki með. Auk þess er Sundsvall að keppa við efsta lið deildarinnar sem er í hörku keppni um meistaratitilinn.

Merkilegt að Ari skuli ekki fá að spila sína stöðu í landsliðinu, en hann er eini almennilega skapandi varnartengiliðurinn sem Ísland á þessi misserin. Auk þess er hann stórhættulegur skotmaður sem nýtist auðvitað harla lítið sem slíkur - sem vinstri bakvörður!

Sundsvall skammt frá sigri