ESB og Svíar

Samkvæmt fréttum frá Svíaríki telja 38% sænskra kjósenda að ESB sé að þróast í ranga átt en aðeins 18% að þróunin sé jákvæð.

 

Ástæðan fyrir þessu neikvæða viðhorfi til Sambandsins er fyrir það fyrsta, að það hafi of mikil völd (á kostnað þjóðríkisins). Í öðru lagi eru það efnahagsmálin og í þriðja lagi kostnaðurinn við þátttökuna. Þá kemur skiffinnskan, síðan innflutningur vinnuafls, stór munur ríkra og fátækra, umhverfismál og að þjóðríkið hafi of lítil áhrif.

 

Svíar eru neikvæðastir varðandi ESB vegna áhrifa sambandsins á landbúnaðinn og hvað matvæli varðar. Það hlýtur að koma á óvart því hér vilja menn endilega fara inn til að fá ódýrari matvæli.

 

Síðan kemur neikvæð áhrif ESB á að ríkisstjórnin geti sett lög sem komi landinu vel. Þá koma skattamálin illa út og einnig takmarkanir ESB á veiði rándýra.

 

Þetta hefur áhrif á kosningarbaráttuna í Svíþjóð fyrir Evrópuþingskosningarnar í maí en einn þeirra flokka sem alltaf hefur verið jákvæður gagnvart ESB rekur baráttuna undir slagorðinu: Nei til evrunnar.

Annars hafa Svíar, eins og fleiri, litla yfirsýn yfir það hvað þátttakan í ESB gefur í aðra hönd.

Þess vegna hefur þátttakan í Evrópuþingskosningunum alltaf verið lítil.

http://www.dn.se/nyheter/politik/valjarna-skeptiska-till-eu-samarbetet/

 

Mörg tækifæri í landbúnaði