Ágæt grein Ögmundar Jónassonar um Úkraínu

Ögmundur Jónasson fyrrverandi innanríkisráðherra skrifaði ágæta grein á heimasíðu sinni um ástand mála í Úkraínu og látalæti vestrænna þjóða við viðbrögðum Rússa við því sem er að gerast í þessu nágrannaríki sínu.

Hann nefndir viðbrögð Rússa við ásökunum Bandaríkjamanna um að Rússar væru að brjóta alþjóðalög á Krímsskaga: "Það er nauðsynlegt að minnast aðgerða Bandaríkjanna í Afganistan, Írak og í Líbíu, þar sem þau létu til skarar skríða án heimildar frá Öryggisráði Sameinuðu þjóðanna eða með því að afbaka ákvarðanir þess eins og í Líbíu. Þar hafði einvörðungu verið heimilað að framfylgja flugbanni en niðurstaðan varð hins vegar loftárasir og árásir sérsveita."

Ögmundur nefnir svo sjálfur innrás Bandaríkjamanna í Karíbahafsríkið Grenada árið 1983 til að setja af vinstrisinnaða ríkisstjórn, tvær innrásir í Haití í sama tilgangi, innrásarinnar í Panama 1989, íhlutunar við Persaflóa 1990-91 þar sem Bandaríkjaher drap hundrað þúsund íraskra hermanna eftir að Írakar féllust á að hörfa frá Kuwait og nýlegar hótanir í garð Sýrlendinga um árásir úr háloftum með ómönnuðum drápsvélum, svipuðum þeim og Bandaríkjaher hefur notað í morðárásum í Yemen, Sómalíu og Pakistan,svo ekki sé minnst á hótanir um að ráðast á Íran með kjarnorkusprengjum.

 Já, hræsnin lætur ekki að sér hæða.

http://ogmundur.is/umheimur/nr/7036/ 

 

  

Íhuga ályktun fyrir Öryggisráðið