Mistök?

Það er allt sem bendir til þess að árásin á sjúkrahúsið hafi ekki verið nein mistök heldur gerð af ráðnum hug. Tíminn sem loftárásirnar stóðu (ítrekaðar árásir í klukkutíma), nákvæmissprengjurnar sem var kastað og síðast en ekki síst sú staðreynd að læknarnir höfðu látið vita af staðsetningu sjúkrahússins fyrir og á meðan á árásunum stóð.

Í gær gerðist svo hinn fáheyrði atburður að bandarískir hermenn réðust inn í sjúkrahúsið án nokkurra skýringa. 

Sú staðreynd að sjúkrahúsið tekur við öllum særðum, íháð því hverjir það séu, er greinilega ekki liðin af Kananum. Hér eins og venjulega hirðir hann ekkert um Genfarsáttmálann eða önnur alþjóðleg lög - og gerir sig þar með sekan um stríðsglæpi.

Er ekki mál að hinn vestræni heimur, með fjölmiðlana í fararbroddi, rísi upp og stöðvi þetta - rétt eins og gert var í Víetnamstríðinu?

Svona lítur spítalinn í Kunduz út