ESB orðið hernaðarbandalag!

Þar með er komin enn ein ástæðan fyrir því að ganga ekki í Evrópusambandið. Ef við Íslendingar værum þar, værum við skuldbundin til að veita Frökkum hernaðaraðstoð, við herlaus þjóðin.

Nógu slæmt er að vera í NATÓ en ESB aðild hefði gert illt verra.

Líta má á þessa samþykkt sem sameiginlega stríðsyfirlýsingu Evrópu á hendur Sunnítum í norður- og mið-Írak og í stórum hlutum Sýrlands.

Þetta er auðvitað ekkert annað en afleiðing innrásarinnar í Írak árið 2003, innrás sem ekki sér fyrir endann á. Þessi innrás var auðvitað brot á þjóðarrétti, byggð á fölsunum frá leyniþjónustum Bandaríkjanna og Bretlands, þannig að sökin á ástandinu í dag er öll "vestrænna" þjóða.

Ástæða er til að óttast sigmögnun þessara átaka - og eins og venjulega að þau bitni fyrst og fremst á almenningi, rétt eins og reyndin hefur verið á átakasvæðunum í Írak og Sýrlandi og nú síðast í París.

Á meðan sitja ráðamenn í öruggu skjóli, margverndaðir af lögreglu, sérsveitum og lífvörðum og leika sér með fjöregg almennings.

 

Veita Frökkum hernaðaraðstoð