Skrítið að þessar tölur hafi ekki komið fram fyrr!

Maður hefur sjaldan orðið vitni að annarri eins meðvirkni í samfélaginu og þegar læknarnir voru að krefjast gífurlegra kauphækkanna, með þeim rökum að þeir væru eftirbátar kollega sinna á Norðurlöndunum.

Þetta gleyptu fjölmiðlarnir hrátt og fengu almenning með sér í samúðarbylgjunni sem reis meðal þjóðarinnar. Pressan var slík að stjórnvöld urðu að láta undan og semja, fyrst við læknana og svo hjúkrunarfræðingana sem léku auðvitað sama leikinn.

Þó voru vísbendingar um, á meðan grátkórinn hafði semn  hæst, að læknar hér á landi væru með hærri laun en læknar í Noregi. Þessu trúðu þó fáir og fjölmiðlar rannsökuðu það ekkert.

Nú er það sem sé komið í ljós - og munurinn er ekkert lítill, minnst 400.000 kr á mánuði hjá læknunum.

Þetta er líklega best heppnaða kjarabarátta sem um getur - og sú lygilegasta!

En eftir stendur þáttur fjölmiðlanna og hvernig þeir spiluðu með. Þeir falla enn einu sinni á prófinu og virðast ekkert hafa lært af Hruninu þar sem þeir voru all illilega dregnir á asnaeyrunum. Það sama gerðist nú.

Og svo heimta allir aukna fjármuni í heilbrigðiskerfið! Þvílík hringavitleysa!

Hæstu launin á Íslandi