"Það er ekkert ljótt við það að græða"

Það var haft eftir Cameron forsætisráðherra Breta að auður væri af hinu góða. Ekki skrítið þar sem maðurinn er íhald og sú tegund manna eru helstu málsvarar kapitalismans.

Hins vegar er nokkuð undarlegt að sjá að róttæklingurinn (sósíalistinn?) Álfheiður Ingadóttir sé við sömu fjölina felld. Maður hennar hefur löngum verið orðaður við harða innheimtuaðgerðir og þar með auðsöfnun fyrir sig og lögfræðistofu sína. Varla hefur henni verið ókunnugt um það.

Meistari Jón Vídalín var sama sinnis og Cameron - að sumu leyti. Auðurinn er ekki slæmur í sjálfu sér ef hans er aflað á réttan hátt.
Illa fenginn auður er hins vegar skaðsamlegur: „varla er nokkurt það ranglæti í heiminum sem að auðurinn sé ekki viðriðinn með einhverju móti. Hvaða ranglæti hafa menn ekki við í því að afla hans í kaupum og sölum með yfirvarpi laga og réttinda, til að svæla undir sig eigur annarra ... með ráni og stuldi, með ofríki og ásælni, með lygum og prettvísi?“

Ég er hræddur um að Cameron og eiginmaður Álfheiðar hafi gert sig sekan um þessháttar athæfi við að komast yfir auð sinn - og Álfheiður fengið að njóta afrakstur eiginmannsins.

Vídalín er með lausn fyrir þetta fólk: „Menn vilja segja að það sé ómögulegt að gjalda öllum aftur það sem með óréttu tekið var. Hann er dauður er þú tókst frá, þá lifa þó kannski erfingjar hans. Gjald þeim slíkt er þú varst honum skyldugur, annars ertu engu betri en hann sem svelgir undir sig annars arf. Vera má þú vitir ei hvar hann er að finna eða arfa hans, þá höfum vér þó fátæka jafnan hjá oss. Þeir taka við arfinum þegar enginn er erfinginn.“

Þetta síðasta er sannur sósíalismi. Ætli "sósíalistinn" Álfheiður og eiginmaður hennar séu tilbúin að ganga þá leið iðrunar og yfirbótar?

Eiginmaður Álfheiðar hjá Mossack Fonseca