Allt í boði vestrænna þjóða

Óöldin og viðbjóðurinn sem hefur ríkt í Líbýu síðan Gaddafi var hrakinn frá völdum er engum öðrum að kenna en vestrænu ríkjunum, þar á meðal Íslandi.

Hinn í fyrstunni sakleysislegi stuðningur við loftferðabann yfir Líbýu snerist brátt í allsherjar afskipti af borgarastyrjöldinni þar í landi með stanslausum loftárásum á stjórnarherinn og á opinberar byggingar. Allt til að vernda "saklausa" uppreisnarsmennina sem reyndist svo vera samansafn glæpamanna og óþjóðalýðs sem hefur lagt landið í rúst.
Líbýska þjóðin hefur sopið seyðið af þessu allt síðan og sömuleiðis hafa Evrópulöndin þurft að glíma við mikinn flóttamannsstraum þaðan.
Stuðningurinn við "loftferðabann" yfir Líbýu hefur því reynst mjög dýrkeypt.

Og nú virðist sagan ætla að endurnýja sig, í þetta sinn í Suður-Ameríku. Áróðurinn gegn sitjandi stjórn í Venezuela er þannig að allt stefnir í að hún verði hrakinn frá völdum með vopnavaldi. Og enn taka Íslendingar þátt í geðveikinni og á sama sakleysislega háttinn - til að byrja með allavega.

Já, fréttaflutningur fjölmiðla hér á landi, sem og annars staðar, af málefnum Venezuela líkist óþægilega mikið fréttaflutningunum af málefnum Líbýu áður en hernaðarleg afskipti hinna "staðföstu" þjóða hófust. 

Læra menn aldrei af reynslunni?

Bjóða 750 þræla velkomna